عاوزة اقول حاجه ....بقلم الفيلسوفه

عاوزة اقول حاجات كتير

لكن خايفه يخونني التعبير

جوايا حاجات وحاجات

وحاجات خايفه منها بالذات

……………………………………

جوايا حاجه مش زي أي حاجه

ولكني فعلا عاوزة أقول حاجه

بس المشكله ان الحاجه مش سهله زي اى حاجه

ولكنها ممكن تؤدي لحاجه احلى واجمل من اى حاجه

بس والله انا ما عارفه ايه هى الحاجه

……………………………..

عموما هحاول ابطل التفكير فى اي حاجه

يمكن ابقى مش محتاجه أقول أي حاجه

………………………………

لكن الحاجه اللى اكيد مافيش بعدها حاجه

هي القرب من ربنا سواء كنت محتاجه او مش محتاجه لأي حاجه

لان ربنا هو اجمل حاجه

بقلم / الفيلسوفه

أنا كنت بالنسبة لك ايه؟…..بقلم الفيلسوفه

أنا كنت بالنسبة لك ايه؟…..بقلم الفيلسوفه

كنت قلب بتخاف عليه ولا عايز تجرح فيه؟
كنت قلب مليان حب وحنان ولا مليان جرح وغدر من الزمان؟
كنت قلب يتشال على الراس ولا يستاهل ينداس؟
كنت قلب لونه ابيض وجميل ولا لون الليل الطويل ؟
كنت قلب عرفت معاه معنى الحنين ولا الآنين ؟

أنا كنت بالنسبه لك ايه؟

كنت شط رسيت عليه ولا طريق بدأت به ؟
كنت نهاية لذكرياتك ولا بداية لحياتك ؟
كنت حكاية مبهره ولا مجرد فكرة عابره ؟
كنت إنسان بترتاح معاه ولا مجرد ما تلاقي غيره تنساه ؟
كنت حد بينور لك الطريق ولا بيبعد عنك كل بريق؟
كنت إحساس هادي وبريء ولا كنت عقبة في الطريق ؟

على أي حال الآن
وبعد فترة من الزمان
عرفت المقياس اللي هقيس عليه كل إنسان
صديق ، قريب ،…….. أو أيًا كان
اخدناها حكمة من الزمان
بعد ما اتصدمنا كتير من عالم الإنسان

ــــــــــــــــــــــــــــــــــــــ
اسئلة مطروحه لكل الناس اللى في حياتك كنت بالنسبه لهم ايه وهما بالنسبه لك ايه
وهتعرف بعدها العدو من الصديق

محاوله برضو ويارب مش تكون وحشه

أوصيتك نفسي .....بقلم / الفيلسوفه

أوصيتك نفسي .....بقلم / الفيلسوفه


ـــــــــــــــــــــــــــــــــ

أوصيتك نفسي


فلا تدعني احتار

ولا تتركني حتى أصل إلى الانهيار

فلا تترك لي الاختيار

ولا تتخلى عني وتتركني وسط النار



أوصيتك نفسي

فكن رفيقي حبيبي المختار

وكن بي رءوفًا رحيمًا غفار

فكن بجانبي ولا ترحل عني مهما كان الاختيار

وكن بي حليمًا كريمًا وعلى أعدائي جبار قهار



أوصيتك نفسي


فثبت قلبي على دينك بالاختيار

وثبتني يوم العرض عليك ويوم الانتظار

فثبتني يوم لا ينفع المرء غير عمله النقي في دنيا الاختبار


أوصيتك نفسي فكن وكيلي ولا تتخلى عني يارب يا غفار

رسالة الى قلبي ....بقلم الفيلسوفه

رسالة الى قلبي ....بقلم الفيلسوفه


يا قلبي يا موجوع .........اخرج من بين الضلوع.

.اصرخ و أتلم .......... هيجي يوم و تتعلم

ارفض وثور ...... بس أوعي يوم على الحق تجور

.ماتلومش على اللى مايستهلش .... بس أوعى تضحي باللي ما يتبدلش.

الاصيل في الزمن ده قليل ....... وانت ياقلبي لا يمكن ارضى بغيرك بديل

كل شيء راقي في زماننا نادر ....... وانت يا قلبي من النوادر

بحبك يا قلبي بحبك بجد...... لانك بجد اكتر شيء في زمننا يتحب

بحس معاك انى صافيه ونقيه ...... وبكون في دنيا غير الدنيا ديه

سامحني يا قلبي تعبتك معايا ..... لكن خلاص قربت افهم الحكاية.

مجرد تساؤلات ..... بقلم / الفيلسوفه

مجرد تساؤلات ..... بقلم / الفيلسوفه

شوفنا من الدنيا كتير واتعلمنا اكتر

بس تساؤلاتنا كل يوم بتكتر

ليه كل ما نمشي خطوه همومنا بتكبر

ليه دايما قلوبنا موجوعه من المتقدر

ليه كل ما نبتسم نخاف نتكدر

ليه دموعنا بتهون علينا

ليه بنرسم الضحكه بعيننا

ليه قلوبنا مش غالية علينا

ليه جروحنا هي اللي بتقوينا

ليه بنستنى نتجرح علشان نفوق

ليه بنستنى نقع علشان نقوم

ليه بنسكت على الهموم

لية بنظلم ليه نخون



ليه اللى شارينا بنضيعه من بين ايدينا

ليه بنجرحه ونقتله ويهون علينا

ليه اللي بيكسرنا بيكون أغلى الناس علينا

ليه بنشيله في قلوبنا وجوه عنينا

ليه بنرجع نلوم على الدنيا والناس

ليه بندور في قلوبنا على إحساس انداس

ليه دايما بنبص ورانا مهما الزمن عطانا

ليه مش بنشكر ونحمد ربنا على نعمه اللى بيها حبانا

مجرد تساؤلات مطروحه للزمن الجاي واللي فات

ـــــــــــــــــــــــــــــــــــــــــــــــــــــــ

محاولة متواضعه مني يارب تعجبكم
الفيلسوفه